ՄԱՆՈՒԿ ԼԵՎՈՆԻ ԹՈՓՈՒԶՅԱՆ
ՀՀ սահմանադրական դատարանի անդամ (2009 - 2014թթ.)

Մանուկ Լեւոնի Թոփուզյանը ծնվել է 1949թ. մարտի 5-ին, Երեւանում։

1966թ. ավարտել է Երեւանի թիվ 64 միջնակարգ դպրոցը։

1973թ. գերազանցության դիպլոմով ավարտել է ԵՊՀ իրավաբանական ֆակուլտետը։

1977-1987թթ. աշխատել է Երեւանի «Նաիրիտ» ԳԱՄ-ում իբրեւ ավագ իրավախորհրդատու։

1987-1991թթ. աշխատել է ՀՀ պետական արբիտրաժում, որպես պետական արբիտր, կոլեգիայի անդամ։

1991թ. նոյեմբերի 1-ից մինչեւ 2000թ. եղել է ՀՀ կառավարության իրավաբանական վարչության պետ, ՀՀ արդարադատության նախարարի տեղակալ։

2000թ. նոյեմբերի 6-ին նշանակվել է ՀՀ կառավարության աշխատակազմի ղեկավար-նախարար։ Միաժամանակ հանդիսացել է ՀՀ պետական կառավարման համակարգի բարեփոխումների հանձնաժողովի նախագահ։

2008թ. ապրիլի 21-ին նշանակվել է ՀՀ նախագահի խորհրդական։

ՀՀ նախագահի 2009թ. հուլիսի 8-ի հրամանագրով նշանակվել է ՀՀ ՍԴ անդամ։

Եղել է Հայկական ԽՍՀ-ում հիմնադրված եւ գործած ընդհատակյա Ազգային միացյալ կուսակցության /ԱՄԿ/ անդամ։

Պարգեւատրվել է ՝ ՀՀ «Մխիթար Գոշ», ՀՀ ՊՆ «Գարեգին Նժդեհ», ՀՀ ոստիկանության «Արամ Մանուկյան» մեդալներով, ՀՀ վարչապետի հուշամեդալով, Ֆ. Նանսենի ոսկյա մեդալով։

Հրետանու պահեստազորի սպա է։

Ամուսնացած է, ունի 2 զավակ, 2 թոռ։

Էջի սկիզբ