ԱՐԹՈՒՐ ԳՐԻՇԱՅԻ ՎԱՂԱՐՇՅԱՆ
ՀՀ սահմանադրական դատարանի դատավոր

Արթուր Վաղարշյանը ծնվել է 1963 թ. հոկտեմբերի 7-ին Գեղարքունիքի մարզի Լճաշեն գյուղում:

1981-1983 թթ. ծառայել է խորհրդային զինված ուժերում:

1989 թ. ավարտել է Երևանի պետական համալսարանի իրավաբանական ֆակուլտետը, այնուհետև ուսանել Երևանի պետական համալսարանի ասպիրանտուրայում:

1993 թվականից աշխատում է ԵՊՀ իրավագիտության ֆակուլտետի դասախոս:

1996 թ. պաշտպանել է թեկնածուական ատենախոսությունը՝ «Հայաստանի առաջին հանրապետության դատական համակարգը (1918-1920 թթ.)» թեմայով:

2013 թ. պաշտպանել է դոկտորական ատենախոսությունը՝ «Հայաստանի առաջին հանրապետության պետական իշխանության համակարգը (1918-1920 թթ.)» թեմայով:

Իրավաբանական գիտությունների դոկտոր, պրոֆեսոր է:

1993-1994 թթ. ԵՊՀ քաղաքացիական իրավունքի ամբիոնի դասախոս:

1994-2002 թթ. ԵՊՀ պետության և իրավունքի տեսության ու պատմության ամբիոնի ասիստենտ:

2002-2005 թթ. ԵՊՀ պետության և իրավունքի տեսության ու պատմության ամբիոնի դոցենտ:

2005 թվականից մինչ օրս ԵՊՀ պետության և իրավունքի տեսության ու պատմության ամբիոնի վարիչ, 2014 թվականից՝ պրոֆեսոր:

2020 թ. սեպտեմբերի 15-ին Հայաստանի Հանրապետության Ազգային ժողովի կողմից ընտրվել է Սահմանադրական դատարանի դատավոր:

Էջի սկիզբ