ԿԻՄ ԳԱԲՐԻԵԼԻ ԲԱԼԱՅԱՆ
ՀՀ սահմանադրական դատարանի անդամ (դատավոր) (2003-2018թթ.)

Կիմ Բալայանը ծնվել է 1947թ. հոկտեմբերի 15-ին Լեռնային Ղարաբաղի Մարդակերտի շրջանի Ներքին Հոռաթաղ գյուղում։

1966թ. ավարտել է Մարդակերտի միջնակարգ դպրոցը եւ նույն թվականին ընդունվել Երեւանի պետական համալսարանի իրավաբանական ֆակուլտետ, որն ավարտել է 1971թ.։

1972-1975թթ. աշխատել է Երեւանի պետական համալսարանի իրավաբանական ֆակուլտետում որպես ավագ լաբորանտ եւ դասավանդել «Կրիմինալիստիկա» առարկան։

1975-1977թթ. եղել է Հայաստանի Հանրապետության արդարադատության նախարարության դատական փորձաքննությունների գիտահետազոտական լաբորատորիայի դատահետքաբանական եւ ձգաբանական փորձաքննությունների բաժնի ավագ փորձագետ, իսկ 1977-1990թթ.՝ նույն բաժնի պետ։

1990-1995թթ. եղել է Հայաստանի Հանրապետության Գերագույն խորհրդի պատգամավոր, Իրավական հարցերի մշտական հանձնաժողովի նախագահի պաշտոնակատար, Գերագույն Խորհրդի նախագահության անդամ, նույն հանձնաժողովի նախագահ։

1999թ. եղել է Հայ Յեղափոխական Դաշնակցության Գերագույն մարմնի իրավաբանական ծառայության բաժնի պետ։

2000-2003թթ. եղել է Հայաստանի Հանրապետության Ազգային ժողովի պատգամավոր, պետաիրավական հարցերի մշտական հանձնաժողովի անդամ։

2003թ. նոյեմբերի 18-ին Ազգային ժողովի կողմից նշանակվել է Հայաստանի Հանրապետության սահմանադրական դատարանի անդամ։

Էջի սկիզբ