ՍԴ կառուցվածքը

Զինավոր Ղուկասյանը ծնվել է 1939թ. մայիսի 25-ին Լեռնային Ղարաբաղի Ինքնավար մարզի Մարտունու շրջանի Ճարտար գյուղում։

1947թ. ընդունվել եւ 1957թ. ավարտել է տեղի միջնակարգ դպրոցը։

1958-1961թթ. ծառայել է խորհրդային բանակի շարքերում։

1961թ. ընդունվել եւ 1966թ. ավարտել է Երեւանի պետական համալսարանի իրավաբանական ֆակուլտետը։

1966-1970թթ. աշխատել է Հայաստանի Հանրապետության Եղեգնաձորի շրջանի դատախազության քննիչ։

1970-1978թթ. աշխատել է ՀՀ Մարտունու եւ Կալինինոյի շրջանների դատախազ։

1978-1982թթ. աշխատել է ՀՀ դատախազության ընդհանուր հսկողության բաժնի եւ քննչական վարչության դատախազ։

1982թ. ընտրվել է Երեւան քաղաքի Շահումյանի շրջանի դատավոր՝ դատարանի նախագահ։

1985թ. ընտրվել է ՀՀ գերագույն դատարանի անդամ։

1998թ. ՀՀ Նախագահի հրամանագրով նշանակվել է ՀՀ վճռաբեկ դատարանի դատավոր։

1999թ. փետրվարի 11-ին ՀՀ Նախագահի հրամանագրով նշանակվել է ՀՀ արդարադատության խորհրդի անդամ։

1999թ. հունիսի 21-ին ՀՀ Նախագահի հրամանագրով նրան շնորհվել է «Որակավորման բարձրագույն դասի դատավոր»-ի կոչում։

2003թ. հունիսին ՀՀ Նախագահի հրամանագրով նշանակվել է ՀՀ սահմանադրական դատարանի անդամ։